Astudiaeth Achos - Ridgeway Contractors Ltd

Mae Ridgeway Contractors Ltd yn gwmni contractio gwaith allanol sy'n ymgymryd â chontractau gosod sylfeini, ffensio, dwr gwastraff, carthffosiaeth a thirlunio ledled y Deyrnas Unedig. Mae'r cwmni wedi'i leoli ym mhentref Llangwm ar gyrion tref Brynbuga, Sir Fynwy.

Manylion

“Mae Ridgeway Contractors Ltd yn gwmni contractio gwaith allanol sy'n
ymgymryd â chontractau gosod sylfeini, ffensio, dwr gwastraff,
carthffosiaeth a thirlunio ledled y Deyrnas Unedig. Mae'r cwmni wedi'i
leoli ym mhentref Llangwm ar gyrion tref Brynbuga, Sir Fynwy. Mae'r
cwmni wedi cwblhau contractau ym mhob rhan o'r wlad.

"Mae Ridgeway Contractors Ltd yn aelod ardystiedig o Gymdeithas y
Contractwyr Ffensio ac yn aelod ardystiedig o Constructionline. Mae'r
cwmni hefyd yn aelod achrededig o'r Cynllun Asesu Iechyd a Diogelwch, ac
mae ganddo beiriannydd gwasanaeth achrededig ar gyfer Gwaith Cynnal a
Chadw Gweithfeydd Trin Carthion.

"Mae'r cwmni wedi bod yn defnyddio GwerthwchiGymru ers bron i dair
blynedd ar ôl gweld y cwmni'n cael ei hysbysebu ar-lein a derbyn
gohebiaeth ganddo drwy'r post. Mae GwerthwchiGymru wedi cynnig ffyrdd
eraill o hyrwyddo'r cwmni yn ogystal ag arweiniad a chyfleoedd busnes
newydd.

"Un cyfle penodol a welsom yn cael ei hysbysebu ar wefan GwerthwchiGymru
oedd prosiect ffensio gyda'r comisiwn coedwigaeth. Gwnaethom gwblhau
Holiadur Cyn-Gymhwyso (PQQ) a llwyddo, yn y pen draw, i ennill y
contract. Aeth y cwmni ati i osod ffensys o amgylch ardaloedd yr oedd
hi'n anodd mynd atynt a safleoedd peryglus.

"Y cyngor y buasem yn ei roi i unrhyw fusnes arall fyddai peidiwch â
digalonni os na fyddwch yn llwyddo ar y cam cyntaf - mae llawer i'w
ddysgu a dylech fod yn benderfynol o lwyddo."

Ben Spooner Ffôn 01291 652967 www.ridgewaycontractors.co.uk