Astudiaeth Achos - Astudiaeth Achos - Read Construction Holdings Ltd

Mae Read Construction Holdings Ltd (Read), BBaCh sydd wedi'i leoli ym Mrymbo, Wrecsam, yn brif gontractwr adeiladu sy'n gweithio ledled Gogledd Cymru.

Manylion

Alex Read, Rheolwr Gwella Busnes

“Mae Read Construction Holdings Ltd (Read), BBaCh sydd wedi'i leoli ym
Mhrymbo, Wrecsam, yn brif gontractwr adeiladu sy'n gweithio ledled
Gogledd Cymru.

"Gan mai BBaCh ydym, mae rolau llawer o'r staff yn y brif swyddfa yn
rhai amlddisgyblaethol, ac nid yw'n bosibl i ni gyflogi rhywun llawn
amser i nodi cyfleoedd busnes. Fel y cyfryw, rydym yn dibynnu'n helaeth
ar wasanaethau nodi cyfleoedd er mwyn amlygu ffrydiau gwaith posibl.

"Rydym wedi bod yn defnyddio GwerthwchiGymru ers dros bum mlynedd fel
ein prif wasanaeth ar gyfer nodi cyfleoedd tendro yn y sector cyhoeddus
yn ein hardal, ac rydym wedi cyflwyno llawer o dendrau ar gyfer
cyfleoedd gwaith a hysbysebwyd drwy'r porth, gyda chryn dipyn o
lwyddiant.

"Ymhlith y llwyddiannau sy'n deillio o'r cyfleoedd a nodwyd drwy
hysbysiadau GwerthwchiGymru mae'r estyniad i ganolfan ymwelwyr Llyn
Brenig yn Sir Ddinbych. Dyfarnwyd y contract 25 wythnos hwn a oedd yn
werth dros £400k ar ddiwedd haf 2012, yn ystod cyfnod economaidd heriol
ac anodd iawn pan roedd cyfleoedd tendro yn brin. Gwnaeth y cyfle hwn
nid yn unig helpu i ddiogelu swyddi'r gweithlu presennol, ond bu'n
gymorth hefyd i hwyluso'r broses o feithrin cydberthynas gyda chleient
cenedlaethol newydd sydd â rhaglen gwaith cyfalaf fawr.

"Yn seiliedig ar ein profiad o dendro, byddem yn annog cwmnïau i
ddefnyddio GwerthwchiGymru er mwyn eu helpu i wneud dewisiadau. Peidiwch
â gwastraffu amser, arian ac ymdrechion yn mynd ar ôl pob cyfle. Yn
hytrach, targedwch y cyfleoedd hynny sy'n gweddu orau i'ch cynllun
busnes a'ch strategaeth farchnata, gan ystyried y potensial i feithrin
cydberthnasau hirdymor gyda chleientiaid newydd."
Contractwyr

Adeiladu Read

http://www.readconstruction.co.uk