Hinkley Point C yng Ngwlad yr Haf yw'r orsaf bŵer
niwclear gyntaf i gael ei hadeiladu yn y DU ers dros 20 mlynedd, a bydd yn
darparu trydan carbon isel ar gyfer rhyw 6 miliwn o gartrefi. Bydd y £19.6
biliwn a fuddsoddwyd yn Hinkley Point C yn creu cyfleoedd cyffrous i fusnesau −
yn ystod y cyfnod adeiladu ei hun a phan fydd yr orsaf ar waith. Disgwylir y
bydd modd gwario rhyw 64% o gostau adeiladu Hinkley Point C yn y DU.
Disgwylir i'r prosiect greu 25,000 o gyfleoedd cyflogaeth
a hyd at 1,000 o brentisiaethau. Mae dros 3,100 o weithwyr ar y safle, ac mae
1,000 ohonynt yn dod o Gymru.
Mae modd teithio o
Dde-ddwyrain Cymru i'r safle ymhen 90 munud, mae cysylltiadau ffordd da o Dde-orllewin Cymru a gellir teithio ar y môr o wahanol borthladdoedd yn
Ne Cymru. Mae holl ardal De Cymru yn yr ardal ranbarthol a bennwyd ar gyfer
meithrin cysylltiadau â chyflenwyr.
Mae EDF yn awyddus i weithio gyda chwmnïau yn y DU; mae nifer mawr ohonynt
yn gweithio ar Hinkley Point C eisoes, neu maen nhw'n gynigwyr a ffefrir ar ei
gyfer. Mae rhai cwmnïau wedi dod ynghyd i greu mentrau ar y cyd i weithio ar y
prosiect. Hyd yn hyn, mae dros 4,000 o
fusnesau lleol wedi cofrestru i ddangos bod ganddynt ddiddordeb, a llofnodwyd
contractau rhanbarthol sydd, gyda'i gilydd, yn werth £1.3 biliwn*.
Gall gweithio yn HPC helpu'ch busnesu i feithrin eich
sgiliau a'ch profiad yn y sector niwclear a gall gynnig ffordd i mewn i
farchnad ryngwladol a allai fod yn anferth wrth i'r galw am ynni barhau i dyfu
ledled y byd.
Manylion Cyswllt - Mae Hinkley Point C yn brosiect
cymhleth sydd wedi cael ei rannu'n gannoedd o becynnau gwaith gwahanol sy'n
amrywio o'r prif waith cloddio i'r falfiau yn yr adweithydd ei hun. Aed ati i
symleiddio'r manylion ac maen nhw ar gael bellach ar ffurf offeryn
rhyngweithiol a fydd yn caniatáu i gyflenwyr nodi'r cyfleoedd sydd ar gael ar
hyn o bryd, ac a fydd ar gael yn y dyfodol, ar draws y gadwyn gyflenwi.
Cliciwch ar y ddolen isod i weld y dudalen pecynnau
gwaith a'r rhestr o gontractau sydd ar gael.
https://www.edfenergy.com/energy/nuclear-new-build-projects/hinkley-point-c/for-suppliers-and-local-businesses/work-packages
Dylai busnesau yng Ngwlad yr Haf ac yn Ne Cymru,
gofrestru i ddangos bod ganddynt ddiddordeb.
Gweler www.hinkleysupplychain.co.uk